अत्यंत औषधी असणारी ही वनस्पती गावात जिथे जंगलभाग टिकून आहे अशा ठिकाणी आढळते. उंच झाडांच्या आधाराने ही वेल वाढते. पाने मध्यम आकाराची , त्रिकोणी व टोकाकडे निमुळती असतात. फळे दाणेदार तांबडी असतात. पावसाळ्यात नवीन वेली भरपूर फुटतात. आयुर्वेदात गुळवेलीचे विविध औषधी उपयोग सांगितले आहेत. गावात काही लोक या वनस्पतीला ‘गरुडवेल’ या नावानेही संबोधतात. गावात गुळवेल चेचून गुरांना खायला घालतात. गुळवेलीचा काढ्यातही लोक उपयोग करतात. गुळवेलीचा अर्क असलेले पाणी लोक औषध म्हणून सेवन करतात.
