बेल (Aegle marmelos)
बेलाची लहान ते मध्यम उंचीची झाडे (१० ते १५ फूट) गावात तुरळक प्रमाणत आढळतात. मोठा वृक्ष आढळात नाही. अनेक लोकांनी आपापल्या परसदारी, घराच्या बाजूला बेलाची एक-दोन झाडे जपलेली आढळतात. बाकी गावात इतरत्र जंगली भागांत बेलाची झाडे सहसा आढळलेली नाहीत. बेलाचे खोड पांढरट तपकिरी रंगाचे, काही प्रमाणात काटे असलेले असते व पाने लहान आकाराची त्रिदलात असतात. बेलाला चेंडूसारखी गोल हिरवट कठीण कवचाची फळे येतात. गावात बेलफळांचा खाद्य, औषधी वा अन्य उपयोग फारसा केला जात नाही. पंगेरेवाडी येथे बेलाच्या फळांनी लगडलेला एक छोटा वृक्ष नजरेस पडतो.