बोराची लहान खुरटी झुडुपे गावात सर्वत्र सामान्य प्रमाणात आढळतात. पंगेऱ्याच्या बांधाच्या कडेने भरपूर आहेत. मध्यम उंचीचे वृक्ष (२० फुटांपर्यंत) गावात तुरळक प्रमाणात आहेत. या झाडांनां लहान करवंदाएवढ्या आकाराची बोरे धरतात व शाळेत जाणारी-येणारी मुले ती आवडीने खातात. बोरापासून कुठले व्यावसायिक उत्पादन गावात घेतले जात नाही. बोरासारखेच दिसणारे दुसरे झुडूप असते त्याला गावात ‘बोर्याटीण’ असे म्हणतात.