सर्वसामान्यपणे ‘कांचन’ म्हणून ओळखला जाणारा हा वृक्ष गावात ‘तांबडा मंदार’ म्हणून ओळखला जातो. हा गावात अतिदुर्मिळ आहे. गावात तांबड्या मंदारच्या साधारणपणे १५ फूट उंचीच्या एकाच झाडाची नोंद झाली आहे. झाड व पाने कांचनासारखीच असतात. फुले गुलबट तांबडी, मोठी असतात. जानेवारी-फेब्रुवारीच्या सुमारास हे झाड पूर्ण फुलते व मागाहून शेंगा येतात. या झाडाचा औषधी वा अन्य उपयोग गावात तूर्तास ज्ञात नाही.
