अणसुरे जैवविविधता

तांबोशी माशाला इंग्रजीमध्ये Mangrove red snapper, Mangrove jack, किंवा Red purch असेही म्हणतात. अरबी समुद्र, हिंदी महासागर, पॅसिफिक महासागर या समुद्रांमध्ये व त्यातल्या खाड्यांमध्ये हा मोठ्या प्रमाणावर आढळतो. अलीकडे भूमध्य समुद्रातही हा आढळून आला आहे. याचा आढळ विशेष करून कांदळवन क्षेत्रात असतो, परंतु छोटे मासे गोड्या पाण्यातही आढळले आहेत. खाडीतील छोटे मासे व अन्य जलचर हा याचा आहार आहे. जगभरातील खाद्यसंस्कृतीत तांबोशी मासा लोकप्रिय आहे. मोठमोठ्या हॉटेलांमध्ये हा मासा आवडीने खाल्ला जातो.